由姜棟元、韓孝珠、 尹啟相等主演嘅韓片《暗殺速遞》將於今個月22號喺香港上映，電影係改編自日本著名推理小說《金色夢鄉》，小說亦曾拍成日本電影，並由堺雅人及竹內結子等主演。

而姜棟元今日就出發抵台灣宣傳新片《暗殺速遞》，佢一早搭飛機飛台灣，現場有唔少粉絲已等候見oppa，事關今次係出道15年嘅姜棟元首次訪台，粉絲等咗咁多年先有機會見到佢哋嘅男神，所以都有唔少粉絲到場，佢哋仲準備禮物及信件畀偶像，戴上冷帽及眼鏡嘅姜棟元見到粉絲咁有心，都有親民地一一收下禮物。

姜棟元抵台稍作休息後，就即要趕到西門町樂聲影城出席電影嘅首映會。

更多韓流，喺晒《娛果》
http://fb.com/appledailyent