當年今日

求驗客手記:奴域斯基做老竇疑雲 - 求驗客

蘋果日報 2009/05/28 00:00


NBA小馬前鋒奴域斯基(圖),同佢位飛賊「疑似」女友姬絲達嘅新聞,簡直就好似「季節」、「真情」呢啲老土倫理劇咁精采;達拉斯一份報章周二爆料,指因詐騙罪還押監獄嘅姬絲達,在監獄醫療檢查報告中,懷孕測試結果為陽性,不過就未能核實父親身份。奴域斯基代表律師赫特曾表示,如果姬絲達真係有孕,「德國槍」會盡力保護孩子,喺健康嘅環境下長大,希望奴域斯基真係做得成好爸爸啦。