英國男星丹尼爾基格（DanielCraig）主演嘅新邦片《Spectre》，經過早前喺奧地利阿爾卑斯山取景，近排已經去到英國Pinewood片廠繼續趕戲，以趕及電影喺今年11月上映。

之不過有報道話丹尼爾拍動作戲時整傷膝頭哥，仲話佢正停工養傷，劇組已經接到通知暫時停拍咁話，由於電影已經排咗期上映，身為主角嘅丹尼爾突然扭傷膝蓋，令到有關方面大為緊張。之不過電影公司發言人強調丹尼爾喺本周受傷停工，休息幾日後將會喺聽日復工。

事有湊巧，其實喺8個月前，夏里遜福（HarrisonFord）喺拍緊《星球大戰》（StarWars）第7集《StarWars：EpisodeVII》時都曾經喺Pinewood片廠整傷腳踝。