早在兩年前，號稱全港最大汽車展銷會，在灣仔香港會議展覽中心B1停車場開幕，但當時地政總署指上址停車場只能作泊車用途，用作汽車展銷違反地契規定，地政署已發信要求更正停車場用途，否則可能收回停車場。但事隔一年多，停車場不僅繼續有車輛展銷，亦有車行陸續向主辦單位租下車位用作展銷汽車，不過，卻是違規經營。
汽車商租攤位展銷
「都已經係成兩年前嘅事，點估到地政署一路冇做嘢，搞到𠵱家都重係違規，早知就梗係唔租啦！」數月前才「加入」的一位汽車商人憶述，早前被汽車展銷會的宣傳廣告吸引，他到場內視察，只見場內多條柱躉、牆壁，分別張貼了三十多間車行的招牌，還有「射燈」照射着數百部車輛，場面「壯觀」，他才向主辦單位租下攤位展銷車輛。

知會走鬼數日一次
他歎道，上月底，突獲主辦單位通知，地政署會派員往巡查，屆時所有車行經紀均需離場，因車場只能作泊車用途，銷售車輛屬違規經營。他稱，此後便開始過着數天「走鬼」一次的日子。
「每個車位月租三千幾、一租就十幾個，至少簽約四個月，重要按金，𠵱家招牌又封住、價錢又唔展示得，久唔久又話要走鬼，我哋點做生意呢？」
他說，一份雙周刊最新一期背頁亦刊出該車展的全版廣告，更標明「買車最易、車種最齊全」字眼。「咁公然賣晒廣告，點解地政署成日都話冇證據顯示呢度有人賣車？點解佢哋多次嚟查之前，都會有人通知我哋走鬼？咁似乎係想避開啲證據多啲囉！」
事實上，他於六月二十五日亦獲主辦單位通知，地政總署會於次日早上十一時到場巡查，着各車行經紀中午才可返回。記者當日上午到場，車場內空無一人，確與數天前有經紀上前招呼的狀況截然不同。