逢周六隨本報派發嘅周刊《家》，唔經唔覺已經出到第29期，為咗方便讀者唔使再左騰右騰，新一年搞搞新意思，由過往分為香港、九龍及新界區三個版本，變成2012嘅加料合併版，實行三合一，湊齊一套，新版聽日推出。
革新號有乜睇頭先？梗係睇靚女、靚景、靚盤、靚傢俬。總之老虎蟹都要靚、要豪！一於加料又加版，幫大家實個市。打工仔平日夠晒忙，近排啲新聞又鬼咁灰，趁周六holidaymood，睇吓靚樓，就算買唔到，都可以睇靚嘢養吓眼，人都精神啲！當然唔少得超實用地產資訊同各路名家專欄擴大版，有明燈引路，等大家唔好買錯貨。

買層樓吓吓要幾百萬，係人都想住得舒服啲嘆啲，所以名牌超豪超靚家具會係改革主打之一，頭炮直擊德國名牌廚櫃系列，全套價值超過100萬元，究竟有幾豪，《家》聽日同讀者逐一介紹。
月尾就過年，華華聽聞改革號都要應吓節，搵咗風水大師柏天心提醒新一年有乜要避忌，等大家龍年行好運。總之新一期《家》會令讀者眼前一亮，改革陸續有來。各位追開嘅粉絲，記得推薦埋老友買份《蘋果》睇睇喇！

李華華
mailto:[email protected]