【新增內容】18:15
世界一姐丁寧周二同劉詩雯攜手贏得全運會乒乓球女雙銅牌，但兩人周三就要暫時化友為敵，喺周三嘅女單決賽交手；雙方激戰1小時7分鐘後，丁寧憑較佳發揮，以盤數4:2擊敗劉詩雯，首奪全運會女單冠軍。

完成今屆全運會，丁寧就話自己只想好好休息：「從一開始，打到最後一日，亦仔係分量最重嘅一場比賽，呢個過程好難捱，我諗對每一個運動員嚟講，都係一個幾痛苦嘅過程。」

周三全運會乒乓球賽事，丁寧喺女單四強對勁敵朱雨玲一度落後盤數2:3，但呢位世界一姐最終頂住壓力，連追兩盤11:8同11:9，終以盤數4:3反勝。

值得一提嘅係，丁寧周二夥拍劉詩雯打完女雙季軍戰，擊敗劉高陽/馮亞蘭組合得銅牌兼返到酒店後，已經去到周三凌晨。女單四強賽事喺周三朝早10點開打，丁寧賽後大爆：「其實我今朝瞓過龍！如果唔是唔係郭焱姐叫（醒）我，今朝就出事喇。」不過，丁寧話自己都冇因為瞓過龍而心急，佢仲話：「既然已經發生咗，最緊要係調整自己心態，按照自己賽前準備嘅流程去做。」

男單方面，一哥馬龍喺四強擊敗小將王楚欽，至於樊振東喺另一場就因為許昕退賽，不戰而勝。至於王楚欽更因為許昕退賽，而自動贏得銅牌。