【幾忙都要溝女】C朗邀拉脫維亞索模捧場
逃稅皇家馬德里葡萄牙C朗拉脫維亞歐洲足球基斯坦奴朗拿奴
呢排對效力皇家馬德里嘅葡萄牙前鋒基斯坦奴朗拿度(C朗)嚟講,可以話係多事之秋,被起訴逃稅之餘,又被傳再做老竇,不過,難得嘅係呢啲都完全冇阻佢溝女嘅心情。話說喺葡萄牙於上個星期六大勝拉脫維亞3:0嘅世盃外一役,C朗就專程邀請咗一個拉脫維亞索模維娜(Vera Alohno)嚟捧自己場。維娜喺拉脫維亞都幾有名氣,除咗係模特兒,亦有演員,而佢嘅外型更加係C朗一向喜歡嘅深色頭髮加瘦得嚟好有身材嗰隻!另外,C朗就自己逃稅一事就首席開腔,佢話自己:「問心無愧。」而C朗嘅律師團隊亦好有信心可以打贏呢場官司喎。