當年今日
關於我們

自稱「426」兼睇好卧底警 新義安紅棍判囚11個月

蘋果日報 2018/06/21 12:00

三合會成員新義安卧底行動管世傑黃根財

警方於2014年派出卧底潛伏葵青及荃灣黑幫,事後拘控一批男子。卧底探員於行動期間曾被「睇好」,亦曾多次遭人懷疑其真正身份,更有「紅棍」對他直言:「我覺得你係鬼嚟。」卧底屢次化險為夷,最終在眾人被捕後指認出各人。12名被告早前承認自稱三合會成員等罪名,今在區院被判監4星期至兩年不等,其中5名被告因初犯有悔意,獲判社會服務令。
12名被告為關鈃勻、許善軒、何啓文、王錦榮、李錦秋、黃根財、陳國熙、管世傑、蔡國良、蔡思良、許偉鴻及楊卓晞(年齡介乎20歲49歲)。其中管世傑(47歲)刑判最重,他監督三合會入會儀式,以及向臥底警員提供毒品,兩罪共判2年監禁;案中參與較多的黃根財被判11個月監禁。而年紀較輕的關鈃勻、何啓文、王錦榮、 蔡國良及許偉鴻,則判15個月感化令。
警方於2014年8月派出化名「阿Joe」的卧底探員滲入葵青及荃灣黑幫,證人獲邀認識多名「大佬」,其中有人介紹臥底認識財哥(即被告黃根財)「呢個就係財哥,你大佬。」黃則對卧底說:「如果你做得好,有機會好似我咁,紮職㗎。我係426棍嚟,畀心機喇,我睇好你。」
同月29日,有人向卧底介紹拳館師傅「寶哥」陳國熙,陳要求卧底加入拳館學舞獅,以對社團有所貢獻。但當晚李及陳一度質疑卧底的真正身份,李查問卧底後說:「我冇話你係鬼,只要你哋忠心為公司就得喇。」
翌月9日,在一個新義安成員生日會上,黃對卧底說:「阿Joe,老實講,我覺得你係鬼嚟。」卧底答:「我唔係。」黃說:「咁你要證明你自己唔係鬼喇,我𠵱家畀個柯打你,你同我收班死士返嚟,我要你做行動組,有冇問題?」卧底答:「我盡做啦。」最終行動於2015年7月公開,卧底於認人手續中認出各被告。
【案件編號:DCCC424/17】
記者:歐陽聯發