一個漠視民意的政權，令從前對政治漠不關心的蔡淑梅醫生，堅持每年7.1風雨不改上街爭取普選，主動撰文、出書表達專業人士的政見。縱使經濟好轉、政府運作較董建華時代順暢，但蔡醫生沒被這些「政治糖衣」麻痹大腦，「所有對政府嘅不滿，都係源於政府扭曲民意，只有民主政制先可以根治到香港嘅問題」。
曾蔭權上場，令蔡醫生對不民主的政府更感厭惡。她最不滿曾特首事事擺出一副「朕即民意」的嘴臉，常扭曲民意推銷政策，「好似添馬艦起政府總部咁，究竟係邊個調查話有七成人支持？我真係覺得好荒謬，係咪咁就唔使諮詢市民？」她認為，董建華的施政還可說是「好心做壞事」，但曾蔭權多番刻意誤導市民，「佢對人民嘅威脅，仲大過董建華」。