張栢芝、應采兒、徐子淇、任達華、許冠文和周汶錡等前晚在中環出席「君子雜誌十七周年派對」，女星們均以性感打扮亮相。席間頒發多個獎項，其中張栢芝奪WomenWeLove現代經典大獎，任達華和許冠文則獲頒發MalePerfectionAward。

栢芝男友愛素顏

徐子淇早前被雜誌偷拍到與男友李家誠在家的照片，前晚她談到此事時，頻呼好驚：「俾人影唔緊要，但原來足足俾人影咗成個月，出街俾人影到無話好講，但返到屋企應該好relax，𠵱家搞到差啲連屋企都唔敢返。」問徐子淇會否採取法律行動，她說：「我問過律師，佢話呢啲雖然係偷窺同侵犯他人私隱，但好難告得入，男友就好嬲，因為呢個係缺德行為。」
此外，張栢芝前晚接受有線娛樂新聞台訪問時，透露其老外男友喜歡她不化妝，因為比較自然，她說：「熱戀中其實乜嘢都鍾意，不過佢亦話鍾意我啱啱瞓醒睡眼惺忪嘅樣。」
採訪：何永寧
攝影：陳慧安