「凍齡女神」朱茵最近就同張繼聰合作拍攝咗驚慄電影《古宅》，電影就喺香港一間百年古宅取景，拍攝時連朱茵也覺心寒，不敢單獨留在拍攝現場。

除咗朱茵話拍攝時都感心寒，唔敢獨留古宅外，據知，拍攝初期真係發生過一啲解釋唔到嘅事，例如攝影機一踏入古宅內就會不停搖晃，直至第3日先冇再發生。其實能夠實景拍攝，朱茵本來都好開心，但到咗現場後，朱茵發現古宅凋零空洞、加上現場陳設燈光昏暗 、傢俬道具都是古董舊物，令佢越逗留得耐個心就越怕，佢話：「自己幻想力好勁，有一場我要望向漆黑的房間，雖然攝影機就在我旁邊，但我都覺得房內有嘢，突然房內有少少嘢郁，我忍唔住大叫。」朱茵仲話，話唔驚就真係呃人：「我真係唔敢一個留喺間房等埋位，一定要搵個工作人員陪我。」講到咁驚點解仲要接拍呢部戲，朱茵解釋話係角色真係相當吸引，唔捨得推喎！

至於張繼聰，佢都話踏入古宅時，都已經有不寒而慄感覺，其中一幕更要被「鬼魂」步步逼近，佢話：「兜口兜面見到其他演員恐怖的妝容都幾得人驚！加上拍攝時一直都覺得間房有寒氣！」

精選娛聞，喺晒《娛果》
http://fb.com/appledailyent