日本樂壇天后安室奈美惠與已婚嘅中年音樂人西茂弘出雙入對，繼而被日本雜誌《女性Seven》於前年起兩度直指係同居情侶，當時正值安室與前事務所鬧出解約風波，陰謀論指有人欲炒作負面新聞來抹黑安室。

安室將於3月再度襲港開演唱會，上年11月佢來港為個唱造勢，西茂弘都以音樂拍檔身份全程陪伴在側，本報亦拍得二人偕工作團隊去中環晚飯，彼此友誼的確深厚。

日前出版最新一期《女性Seven》，就向西茂刊登一則道歉啟示，呢本雜誌嘅總編川島雅史承認有關二人之報道內容不實，令一度無辜蒙上小三罪名嘅安室終可沉冤得雪。今日，安室為連續兩場群馬站個唱演出，由於當地大雪，所以佢都有喺上叫大家小心，認真貼心！