文佩玲噚晚同黎瑞恩、薛家燕到電視城錄影《流行經典50年》，剛榮升奶奶嘅家燕姐即大讚新抱仔好乖又勤力，o依家一家人都忙緊寫感謝咭俾送賀禮嘅朋友。提到有份做主持嘅湯寶如，有指因為耍大牌而被換人一事，家燕姐即時否認，佢話因為湯記同曹永廉因為各有各忙，所以先換咗陳敏之同胡諾言呢對新拍檔。

另外，新秀出身，今年54歲嘅文佩玲，99年結婚，可惜婚姻只維持到3年，佢同前夫育有一女Jasmine，文佩玲提到囡囡今年都已經18歲，問到佢可擔心囡囡談戀愛，佢就好坦白咁話自己唔擔心，仲話自己唔會唔捨得個女嫁㖭。咁快講到唔會唔捨得個女嫁，問佢係咪想抱孫，佢就話又有諗得咁太，始終個女都係得18歲，生BB唔係咁易㗎！

而黎瑞恩就話自己將帶一對子女去馬爾代夫度假，之後就會帶佢哋去澳洲開學，希望佢哋去到寄宿可以學到自立。小恩話話雖然係好唔捨得，但會盡量調配時間，希望可以半年時喺澳洲陪仔女，半年時間留港工作。

精選娛聞，喺晒《娛果》
http://fb.com/appledailyent