任職公務員（助理文書主任）的郭先生認為薪金加幅「OK」，比起市場的加幅高，「其實出面嘅經濟唔係咁好，依家有得加人工已經好好」，對於政府年年加人工，他亦感到公務員的薪酬「相對穩定」，「冇話凍薪，唔加人工咁，福利方面，我覺得薪酬方面唔錯」。

朱先生任職政府的外判項目技術員，他指每年薪金加幅與公務員相若，「外判都係差不多呢個幅度」，但認為加薪幅度可以更高，對於高層加幅低於下層人員，他認為政府根據起薪點加人工屬合理。

容小姐於商業機構任職，認為公務員薪金加幅「OK」，與通脹掛勾，她指商業機構加幅與公務員相若，她不認為公務員薪金加幅偏高，「政府工年終花紅係冇，佢哋加返呢個數係OK」。

同樣於商業機構任職的鄭先生，表示商業機構去年加幅高於公務員，今次公務員的薪金加幅合理，「通帳吖嘛，但如果加上去，通縮時又唔減返啲，咁到時就有問題」，他指政府不同於商業機構，只可根據通帳情況加薪，「商業機構要睇佢營運做得好唔好，依加唔加人工，但政府唔係賺錢，睇返通帳或通縮比較合理」。

安俊人力資源顧問董事總經理周綺萍表示，今次薪酬趨勢調查委員會統計得出的數據偏高，與私人市場脫節，一月份私人企業平均加薪3.5%至3.8%，到4月更跌至3至3.5%，而且跌勢持續，「唔止一般打工仔，相信連公務員都估唔到咁高。」她表示，受聘於公共事業及政府資助機構的員工，一般期望加薪幅度可與公務員相若，今次公務員可望加薪超過4％，相信對這些機構會構成壓力，至於其他企業，「我諗佢哋經濟壓力仲大，應該唔會跟隨政府加幅」。