【才俊愛追星】新歡曾與o靚模拍拖 余香凝：分手與第三者無關

蘋果日報 2018/06/14 13:10

陳家樂余香凝
    31歲嘅陳家樂同拍拖近4年嘅女友余香凝（Jennifer）噚晚驚爆分手，有報道話分手原因係Jennifer另結新歡，暗交一個保險才俊Victor，女方仲俾人影到多次出入男方寓所留宿。
    今日有周刊報道，雖然陳家樂一視Jennifer為結婚對象，大家一直為將來而努力，不過Jennifer趁住男友忙於工作嘅時候，暗撻Victor，有知者話因Jennifer本身有保險經紀牌，識好多做保險嘅朋友，向來都鍾意追女明星嘅Victor，最初係諗住追星夢新女戴祖儀，點知對方只係當Victor係兵，最後佢轉追Jennifer。
    報道仲話Jennifer一早同Victor講，佢同陳家樂已經分咗手，不過為咗顧及大家形象唔可以公開，本來Victor都好配合，盡量低調拍拖，但係最終喺朋友圈炫耀呢件事。最初陳家樂唔知呢件事，大家因為工作忙少咗見，Jennifer又叫佢專心做嘢，到後期陳家樂成日都搵唔到女友，message又少咗，所以察覺出現問題。
    Jennifer日前仲被影到半夜收工之後，單拖去Victor屋企過夜，過多幾日又見到佢現身男方屋企，雖然出入Jennifer都戴口罩，不過遇到街坊眼望望，就刻意前後腳扮唔識。之後陳家樂喺中環接受周刊訪問，含住一泡眼淚承認分手，但係講到係咪有第三者介入，陳家樂只係話希望俾啲空間佢。
    另一方面，亦有消息指Jennifer分手原因同第三者無關，同Victor只係生意上嘅拍擋，佢哋月中將會喺尖沙嘴開燒肉店，不過Victor愛追女明星係事實，有報道指佢先後同𡃁模許穎（Phoebe）、何浩文嘅前度空姐女友Candy Tong拍拖。
    精選娛聞，喺晒《娛果》
    http://fb.com/appledailyent
    empty
    有傳余香凝因為Victor而同陳家樂分手。(網上圖片/資料圖片)
    empty
    Victor任職保險公司，有指佢嘅年薪過百萬。(網上圖片)
    empty
    Victor被指異性緣極好。(網上圖片)
    empty
    Victor曾經同何浩文前度空姐女友Candy拍拖。(網上圖片)
    empty
    余香凝被爆同分手後，受到千夫所指。(資料圖片)
    empty
    (資料圖片)