【新增回應】

38歲嘅周國賢(Endy)與韓籍太太李美英育有三女，大女Clara今年已經16歲。2013年周國賢與助手傳出緋聞，有指太太李美英一怒之下，帶埋三個女遠走加拿大，周國賢大受打擊，一度患上抑鬱症。為挽救婚姻，周國賢毅然放下一切，追至加國箍煲，更強調太太一直係「周國賢嘅老婆」，同助手劃清關係。

夫妻和好如初，周國賢今日更激罕喺ig貼與太太恩愛合照，兩人一齊到外地度假，並以王菲歌曲《你快樂所以我快樂》同埋自己歌曲《天使》歌詞留言：「你快樂，所以我快樂。#我不敢想太多#我只想繼續做我讓你開心得更多」。

在藍天白雲與海洋嘅美景下，周國賢與太太手拉著手，相對而坐，笑得好甜。周國賢太太穿上一條低胸One Piece裙，隱約見到肚凸凸，有網民即留言講恭喜，大讚好sweet！但亦有人質疑只係條裙太鬆。

《蘋果》致電恭喜Endy，怎知佢表示：「老婆唔係有咗，冇咁嘅事呀！」原來只係美麗誤會。

精選娛聞，喺晒《娛果》 http://fb.com/appledailyent