【新增短片】
九巴「月薪車長大聯盟」早前發動罷駛，抗議公司的薪酬調整方案，惟聯盟發起人葉蔚琳與另外3人今日一同被解僱，明日起生效。大批網民隨即到九巴facebook專頁留言聲討，怒轟九巴秋後算賬，與「狗巴」無異，揚言罷搭。據了解，被炒的4名車長除葉蔚琳外，還包括葉的丈夫劉卓恒和黃燕茹，他們均拒絕簽收解僱信。

葉接獲九巴終止僱用通知信，九巴在信中表示，將按《僱傭條例》向她發放7天通知金及補償款項，合計76,806.85元。九巴又要求葉蔚琳立即交回職員證和頸繩，並須在周四（8日）前交回家屬證及公司制服。九巴指，近日有個別員工於當值期間嚴重違規，執行駕駛職務時，擅自離開工作崗位或停駛，對乘客安全構成威脅，亦對其他道路使用者構成危險。公司方面決定紀律處分及終止僱傭關係。

九巴傍晚以「九巴仔的日常 - 城市要Go On」為題在facebook出post，以漫畫形式呈現員工日常的忙碌，聲言「溝通係需要花時間嘅」。圖中有市民在巴士站排隊時，問候穿上員工制服的「九巴仔」：「近排辛苦啦，停低休息下啦！」九巴仔回應道：「咁多人要返工返學，個城市唔停得架！」惟不少網民怒轟九巴假仁假義，只顧做公關騷。

網民洗板怒插九巴

Michael Gonzalez：點解司機唔停得吖？咪因為工時長，人手唔夠囉！點解人手唔夠吖？咪因為人工低，入咗嚟要狂加班先夠生活囉！你哋呢個漫畫，仲要表示你哋會keep住係咁，你哋係無知定無恥吖？

Edward Tang：九巴夾埋大工會及其他車長一齊孤立月薪車長，傾掂曬數，處置一小撮「違規」「害群之馬」，咪Go On囉。嘿嘿。

柏斯敦巴士台：城市要Go On，咁又要200幾個兼職車長停工？

Kuen Leung：全世界都知車長係因為薪酬問題而罷駛罷工，就算九巴唔承認「大聯盟」係工會，罷駛本身就係工業行動。你而家仲炒人，咁當初點解又會同兩位車長傾呢？而家九巴辣㷫曬香港人。

Vic Pascaliz：好欣賞九巴盡顯大公司作風，大方地、赤裸裸地表現出權力就是正義，卑微必需要屈服，對「唔聽話唔馴服」嘅人殺無赦。完全跟「背靠」嘅國家一樣，唔支持你哋嘅真係枉為「人」！

Pan Qiao：幾肯定貴公司的HR、PR、marketing同social media team之間係無溝通的。 #白白浪費artist的心機

Dominick Foo：其實鬧有咩用啊？罷坐九巴？你唔坐，大把人坐！公關事件？兩個禮拜後，仲有冇人記得佢係邊位？鬧就照鬧，態度依然照舊，人就吵咗，你哋可以做咩？氣喺呢處鬧完消咗，之後日子繼續，車就繼續搭。公關都睇透曬香港人整得咩出來啊！上次萬寧都係講句sorXry，而家仲有冇人記得？之前碼頭工人罷工之後，又有冇人記得？最近咁多單老屈事件，有幾多件係香港人記得？這就係香港人⋯⋯