鍾嘉欣今日到銅鑼灣出席商場活動，去年誕下細仔Jared Anthony後首次在港出席公開活動，穿上透視外套的她身形弗爆。鍾嘉欣於台上透露下月將推出新歌，更親自為新歌MV做監製：「比想像中難，要兼顧好多嘢，屋企又有兩隻樹熊夾住，所以要等佢哋瞓咗先可以工作，真係有啲攰。」大會安排她與粉絲玩遊戲，又獻唱舊歌《一顆不變的心》。

鍾嘉欣受訪時，指細仔已經七個月大：「成年冇出席過公開活動，佢而家大個咗可以安心啲，同埋仔仔好cute，自己都唔捨得離開佢。」她表示這次會留港三星期，仔仔亦有一同回港，老公和女兒稍後亦會返港渡假。

鍾嘉欣大讚仔仔首次搭飛機「出城」好乖，全程未有扭計瞓足9小時：「我拍完MV就上機，同佢一齊瞓，佢又電下電下啲空中小姐，個個都走埋嚟搣下佢。」

提到下月將推出的新歌，鍾嘉欣說：「今次我自己作曲填詞，仲做埋監製，真係唔容易。但係呢首歌係我人生最重要嘅一首歌，因為係寫畀囡囡。」問會否再寫歌給老公和仔仔？她笑謂：「睇下佢地乖唔乖先。」談到兩個仔女，她即心花怒放，感恩兩姊弟未有爭寵：「家姐會爭，不過係爭住抱弟弟，佢兩個好愛對方，仲多過愛我，不過我真係好感恩、好好彩。」

-----------------------------
《蘋果動新聞》訂閱新世代，4月開始免費訂閱，現在接受登記！
http://bit.ly/2Ja3IXw
-----------------------------
《動腦Q》周末主題夜
追加星期六、日 9:30 pm
星期一至五 10:30 pm
Day Day Q the money!
https://hk.adai.ly/veCxssynnV