被指係彭順力追o靚模之一嘅「動漫Maggie」李曼筠，今日佢同李蘊等人，現身公開活動時，見到佢身形圓潤咗好多，佢自爆話：「好似有咗咁。」

李曼筠今日以活動大使身份，同李蘊、馬嘉均，去到佐敦出席「第二屆觸動社會責任企業大獎」活動，佢透露早前去咗台灣18日拍飲食特輯，點知就出咗事事，佢話：「肥咗好多，唔敢磅，好似有咗咁。」

講到彭順偷食事件變成全城熱話，佢表示自己唔識李悅彤（Liddy），不過被指係彭順以前力追的o靚模之一，佢話：「報紙寫咗好多個，唔覺得佢追我同花弗，反而覺得佢工作認真，拍完戲就冇聯絡。」

另外近期不停傳出婚訊嘅李蘊，再次表示未有婚期，男友亦未求婚。講到好姊妹何超蓮同鄧紫棋，佢就大爆超蓮係不婚主義者。