「新亨利」基利安麥巴比（右）果然係呢個夏天最炙手可熱嘅球員，一時話阿仙奴簽佢，一時又話巴黎聖日耳門唔介意出世界紀錄轉會費羅致佢，而最近消息係皇家馬德里嘅教頭施丹（左）已經同呢名摩納哥攻擊球員秘密會面，仲打埋大家都係法國球員嘅自己人牌。據《隊報》報道，喺會面中，施丹同18歲嘅麥巴比講，不惜出售球隊嘅「BBC（即係C朗、加里夫巴利及賓施馬）」組合作何一人，都要獲得麥巴比來投喎！