當年今日

胸圍貴過條裙 托得起
黃泆潼粉紅飛彈VS韓君婷

蘋果日報 2004/05/19 00:00


韓君婷、黃泆潼和麥家琪前晚打扮性感出席新片首映禮,其中以黃泆潼的低胸裝最為搶鏡,露出粉紅色胸圍邊。她更表示全身衣服包括內衣都是新購買的。
余文樂、杜汶澤、韓君婷、黃泆潼、麥家琪、譚詠麟和女子組合2R等,前晚在尖沙嘴出席新片《精裝追女仔2004》首映禮,有份主演該片的眾女星都刻意打扮性感示人,其中以黃泆潼的吊帶低胸裝最為出位和搶鏡。

惹阿倫垂涎
成功突圍而出,黃泆潼說:「我之前有諗過點着,由頭到腳都係新嘅,淨係內衣同胸圍都成千蚊,貴過條裙。」阿倫甫到場見到打扮性感的黃泆潼即跟她雞啄唔斷,問他是否覺得伊人很吸引,阿倫即說:「我問佢做乜着成咁?我覺得佢好有張力,呢啲場合應該着成咁,追女仔吖嘛。」阿倫是否覺得心動?他說:「我哋呢啲見慣世面。」韓君婷亦不甘示弱,穿上低胸裝上陣的她說:「夏天女仔露吓手臂同膊頭,大家開心啫。」
此外,有報道指余文樂追到2R的Rosanne,Rosanne卻說:「我見到阿樂都唔尷尬,阿妹(Race)媾掂阿樂,不過係喺戲裏邊。我同阿樂係朋友,都冇互傳短訊。緋聞對阿樂唔公平,講到佢好花心咁。」

2R密實失威
2R前晚是眾女星中穿得最密實,Rosanne說:「我哋唔可以好似佢哋咁着,唔係因為形象,係自己過唔到自己嗰關,而且冇本錢騷。」余文樂近日被讚演技有進步,他說:「克勤都話我應該喺電影圈發展多啲。」
對於日前陳冠希(Edison)的友人在杜汶澤有份投資的酒吧發生衝突,阿倫說:「我覺得Edison好無辜,日日都有事發生,唔通咁多事都關佢事。」對於梁漢文因為陪女友過生日,通宵飲至酩酊大醉即出席《公益競步行》活動一事,阿倫說:「如果佢因為陪女友過生日就應放佢一馬,佢第日都盡咗責去現場報到啦!」
採訪:胡比 攝影:陳志嵐
empty
黃泆潼悉心以性感裝束示人,成為全場焦點。
empty
穿上吊帶裙的麥家琪豪氣地開香檳。
empty
(左二起)杜汶澤、緋聞男女余文樂和2R齊齊出席首映禮。