自住自煮並非難事，要提高入廚動機，選擇烹調用具最緊要易用易洗！丹麥Bodum推出e-Bodum桌上電烤爐，31.9×51.4×8.7cm迷你尺寸，最啱人少少在家中BBQ！
易潔塗層鋁製燒烤板，分平面及凹凸坑紋兩面，前者做日式鐵板燒包無黏底，後者的紋路能讓食材的多餘油脂逃之夭夭，食物吃起來香脆可口又健康！絕緣膠外殼不但輕巧，還有隔熱能力，唔怕過熱令桌子起烘！燒烤板之下有鋁製的盛油底板，多餘的食物油脂汁液有好歸宿，清洗超容易！六段熱力控制，高溫燒牛排可封肉汁，慢火烤嫩魚亦得。小記用它試燒雞中翼，結果油脂統統落坑，彈油情況輕微，油煙亦不多，燒好的雞翼皮脆肉嫩唔乾身，甚有街頭串燒風味！

煎出來的Pancake有眼耳口鼻，老麥Hotcake無得比！190/c

煎單蛋、漢堡排、小Pancake都得，早餐一人份量剛剛好。由於清潔面積細，10秒內完成清洗！大$65，小$55/b

香港單身男女為數不少，細心在市面找找，專為單身人士設計的煮食用具種類繁多，迷你版的傳統煮食用具，份量控制在一、二人份之間，不會浪費食物及能源，而且使用及清潔起來亦慳水慳力！

完美的早晨由完美的早餐開始，但「煎隻蛋、洗個Pan」不符合經濟原則！其實個Pan細少少，清洗時間將成正比地縮短，慳番嘅時間可以Set個靚頭化個靚妝！

煮麪無敵！煮完連壺就咁食，碗都洗少個！連附蒸架，翻熱飯菜、煲湯、火鍋都得！$230/b

日本單身上班族聲勢浩大，因此佢哋嘅煮食用具特別有睇頭！像郵購品牌Felissimo就研發出多元化微波煮食用品，煮麪煮飯話嚟就嚟，有微波爐就得！

把一人份食材放到小碟，加入醬汁、冚蓋叮幾分鐘即可開飯！初次入廚都變大廚！煮牛肉飯最方便！1,260日圓/d

快速把生米煮成熟飯！還有隔水板、量杯及飯勺等配件，翻熱餸菜都得。3,980日圓/d

聲稱放入麪，加熱水，焗一焗即有彈牙意粉！盒蓋上有兩個份量指示洞，大洞麪量為一人份，小洞則是半人份。980日圓/d

辛苦搵來志在食，一天辛勞工作後，晚餐一定要好食！炸物及煲仔飯都是不錯選擇！

你愛北菇雞時我愛吃臘味，一人一煲就唔使爭啦！13cm小電爐$150/b

鍋仔細細，小量食油都可以炸出香脆食物！炸完食物後，油留在鍋內，蓋上蓋即可保存；電磁爐亦適用。2,480日圓/d

a.BODUM（29681088）
b.萬記砧板（23322784）
c.ILoveCake（26712671）
d.Felissimo http://www.felissimo.co.jp/asia