曼聯前鋒伊巴謙莫域有咩花名？我哋香港球迷就叫佢做「呂布」，初頭係寸佢踢過意甲三雄，係三姓家奴，後尾發現佢喺球場上嘅表現就好似戰場上嘅呂布咁勁，一樣咁有霸氣。喺曼聯內部，伊巴都有個花名叫做「Big Man」，就咁按字面譯的話，可以叫「大隻佬」，但知道埋背後意思的話，就應該譯做「大支嘢」或者「大揪嘢」。

英國《太陽報》引述曼聯內部人仕話，伊巴喺更衣室入面嘅花名叫「Big Man」。初頭曼聯職員聽到球員間提起呢個名，以為因為係伊巴身材高大，先有個咁嘅花名，但之後大家都發現，呢個名原來仲有一層意思。呢位內部人仕話：「其他球員喺自己個格沖完涼之後，都會圍番條毛巾先出嚟，係伊巴鍾意乜都唔着咁走嚟走去。佢對自己好有信心，其實一睇就知點解。球員叫伊巴做『Big Man』，其實係拎佢嗰度嚟講笑。」