由韓國影帝宋康昊、劉海鎮、柳俊烈等主演嘅《逆權司機》上月殺到嚟香港，而電影喺韓國8月初上映以來，口碑同收視都節節上升，當中累計觀影人次更破1,200萬累計人次，早前韓媒就公開「2017年大眾文化影響力」頭30位名單，當中宋康昊就鍊贏一眾單位，成功登冠軍，第二位為憑出演選秀節目《PRODUCE 101》而出道嘅限定男團Wanna One、第三位係JTBC新聞主播孫石熙(相關新聞連結： http://bit.ly/2y2h2Eo )。

雖然喺之前調查宋康昊就因為《逆權司機》帶挈而成功獲得冠軍，但韓國不時有各樣調查公佈，好似日前一個「2017國內最具影響力人物」調查中，宋康昊就不敵「國民MC」劉在錫，宋康昊只能屈居亞軍，而劉在錫就連續三年做冠軍，認真犀利。

而亞軍嘅宋康昊就由去年嘅第10位升至亞軍位置，季軍至第十名就分別為綜藝主持姜虎東、王牌製作人羅䁐錫、綜藝主持金濟東、綜藝主持李京奎、性感歌姬李孝利、男星安聖基、SM老闆李秀滿及JYJ老闆朴震榮。