【今日喊咗兩次】薛家燕讚新抱知書識禮 睇住二仔成家又再眼濕濕

蘋果日報 2018/06/11 18:11

薛家燕洲際酒店金紅色晚裝
    恭喜晒！
    薛家燕今日娶新抱喇！家燕媽媽二仔石耀庭（Jackson）同太太Zoe嘅婚禮喺洲際酒店舉行。噚晚準備朝早接新娘時，家燕姐已經一身紅色喜慶裙，到朝早就換咗一身龍鳳呈祥裙褂，又送咗好多金器俾新抱。
    家燕姐喺下午5點半又換咗一條金紅色晚裝，心情勁靚咁到咗會場，全場以粉紅玫瑰為主題，當時已有逾半百傳媒等候。問到佢娶新抱嘅心情，佢就話：「好興奮，噚晚4、5點先瞓，今朝7點就起身，平時都會賴床，但大喜日子我期待咗好耐，今朝新抱敬茶嘅時候，我都有啲感觸，我等咗好耐喇，到佢哋簽紙嗰時，我都忍唔住喜極而泣（講到呢度家燕姐都眼濕濕），我望都親家都同我一樣，相信每對父母睇到自己仔女結婚都會有呢個感覺。我覺得阿仔好識揀，新抱又靚又智書識禮。好多謝好多賓客可以趕嚟，有啲坐位都未可以安排到，都好多謝咁多傳媒，好耐冇見過咁多傳媒，好感動，因為大家都睇住我個仔成長。」
    除今晚擺53圍外，16號會再擺酒，家燕姐話：「我要同個仔講唔好意思，因為自己計計吓啲朋友，個仔得番一圍。」阿仔就話：「嗰一圍係自己最close朋友，16號擺酒嗰日會年輕啲，係我啲朋友，西式party。」
    精選娛聞，喺晒《娛果》
    http://fb.com/appledailyent
    empty
    攝影：林賓尼
    empty
    家燕姐喺下午5點半換咗一條金紅色晚裝，心情勁靚咁到咗會場。
    empty
    家燕姐大讚新抱人又靚，又知書識禮。
    empty
    表情演繹咩叫喜上眉稍。
    empty
    家燕姐今日喊咗兩次，見阿仔同新抱簽紙，又再忍唔住喜極而泣。
    empty
    一對新人Jackson同Zoe。
    empty
    應要求做接吻魚。
    empty
    當然要錫埋媽咪。