【新增動新聞、食店負責人回應】
今日（17日）是父親節，不少人近日已提早過節，有網民昨晚申訴，大埔街市3樓熟食中心的檔口涉嫌偷龍轉鳳，不但將他提供的虎蝦「調包」成普通海蝦，更辯稱「蝦蒸過會縮水」，當事人直言對方「當啲客係白痴」。帖文半日內已吸引逾4,800名網民回應，有人留言直斥該店無良，惟該店負責人否認指控，並稱已報警備案。

網民Lok Chan在facebook群組「巴打絲打 Facebook Club」圖文並茂憶述，指自己外出用膳過節，「買二百幾蚊斤虎蝦畀佢（該店）蒸」，但「成個鐘都未有得食，之後拎咗碟蝦畀我哋，睇見即時起火，仆你個街……佢竟然求其拎碟普通海蝦畀我，仲同我講蝦蒸過會縮水……佢竟然當啲客係白痴，我話報海關，個老闆娘即時笠水，呢間黑店係大埔街市3樓熟食中心，大家千祈唔好幫襯，極度無良商家」，坦言「食到一肚氣」。

有網民「起底」發現，該店疑似早有前科，網民Ivan Chow本月初在facebook專頁「大埔為食友」申訴，他本來在街市買3隻蟹，「隻隻都斤幾重」，但交給該店烹煮後，「變咗『3隻蟹、4個蟹蓋』，但隻隻都細咗好多，同佢理論，佢話會唔會係街市啲人，畀多1個蟹蓋我哋，我立即呆X咗、O晒嘴」，呼籲街坊小心，「加工費任佢計，仲要換你啲料」。

不過，有自稱為該店其中一名負責人士，隨即在同一群組發帖澄清，反斥食客以「1隻虎蝦，屈人成碟」，又謂當時人手不足，「客人主動話要求賠$390了事，因為唔想阻住做生意，所以賠咗畀佢……怕咗你，賠畀你，又話人笠水」，強調「我哋無做過呢啲（偷龍轉鳳）咁嘅事……如果真係覺得小店呃人嘅，可以報警或海關……真金不怕紅爐火」。

他另再發帖形容事件越鬧越大，令他覺得十分無奈、無助，說出另一版本的故事。他稱昨晚已聯絡樓下海鮮檔出貨虎蝦的檔口，店員聲稱當晚顧客買的是280蚊1斤的海蝦，買了三、四百元，而該顧客到檔口時只剩下1、2隻虎蝦，顧客要了1隻，「就係大家係原post見到果一隻」。他解釋，因為近2日為假期，所以店主未能提供當時的閉路電視片段，「其後拎到一定會拎返上黎比大家睇！」文中又指顧客落單加工時，負責寫加工的同事看見到零零舍舍只有1隻大蝦所以印象深刻，而節日時期出餸會較慢，顧客曾追過數次單，最後一次追單時就指「你黎唔黎呀？唔黎我唔比錢走嫁啦！」

其後到有蝦上枱時，顧客表示「我啲蝦冇咁細嫁喎」，負責人回應指開邊後會有縮小情況，惟顧客仍質疑不是他們買的蝦，繼而稱「得啦，你賠返390比我，我走。唔想同你嘈。」內文指負責人此時做了一件「最錯嘅事」，就是答應賠償，但賠償只因不想阻礙生意及人手不足問題，並非「身有屎」，「做飲食都會知道節日有幾恐怖」。帖文指，今日連同昨晚賠錢予客人的負責人到警署備案，稱警方亦叫他們往後有相似情況時不要賠錢，而要直接報警，建議寫海鮮時拍照記錄；最後表示希望當時人會回來當面對質，希望各網民可以還一個公道，並指公司會配合記者採訪。

涉事食店負責人之一陳小姐晚上接受《蘋果》訪問時表示，當晚職員接過該份蝦的時候，已發現是一堆海蝦以及一隻估計約6兩重的虎蝦。她稱，一般而言如果職員發現「零零舍舍有一隻唔同品種嘅蝦，或者零舍有隻好大隻嘅」，都會先知會顧客，但可能當晚比較忙，沒有告知顧客。

她續指，該顧客在fb上載的一碟蒸蝦相片，的確是職員把煮好的蝦「上碟」時模樣，「而有隻特別深色嘅就係虎蝦」。她承認，蒸煮時間太長會令蝦隻體積收縮，「不過都唔會收縮得太離譜」，並反指該顧客表示該虎蝦未煮前體型很大，「其實隻蝦彎彎哋身，切咗個頭之後，個身唔係好大隻架咋」。她又表示，事後向街市內一間海鮮檔查詢，獲確認指該名顧客購買了一斤幾海蝦，以及「搭埋買檔口最後一條虎蝦」，合共近400元。她聲稱獲海鮮檔答允翻查閉路電視錄像，如獲許可，不排除把片段公開。她又說，今天已向警方備案，希望還她一個公道。

被問到事件影響，她認為是開業近13年來「最大鑊一次」，「自己有班好好嘅客，今次一搞，咩都唔同哂」，強調自己「行得正企得正」，店方沒有犯錯、刻意誤導甚至把食材「調包」，假如該顧客希望當面對質，她樂意奉陪。惟她指，會提醒職員日後「接柯打」時更小心，包括與顧客核對清楚食材數量、品種，免生誤會。