與此同時,千嬅日前亦單拖現身銅鑼灣利園Bape Kids,見到她專注地為囝囝Torres揀選短褲仔,又拿着有飲管的水杯研究,最後買了兩大袋戰利品離去。
此外,千嬅昨日在尖沙嘴出席新歌《色惑》的MV首播禮,今次MV性感形象引來不少迴響,千嬅笑言:「之前試過着得仲少啦,我只係諗住要fit先着,冇諗其他角度。丁生(丁子高)話識我咁耐未見過我咁着,不過喺屋企唔會咁着,太貴買唔起。」她又謂拍性感MV會令人覺得她專業,將來有利幫囝囝找學校。至於囝囝有否看過她MV內似貓女郎的造型?她笑言:「佢覺得我似米奇老鼠,不過佢唔鍾意,因為知我着得靚即係做嘢。」
採訪:文國駿、畢紹基
攝影:楊浩賢、梁繼光