韓國男團JYJ今個禮拜面臨一個重大危機，成員朴有天因為兩度被指控性涉，雖然佢所屬事務所已強硬否認事件，但因為新聞不斷報道，加上有唔少小道消息，令到朴有天嘅事業同形象都有所影響，就連韓國粉絲團都發聲明唔撐佢。

之前朴有天被爆服役半年先後請假成28日，不過有關方面都已表明咁樣係沒有問題，現時朴有天嘅年假只剩半日，所以即使佢近日是非纏身，佢都冇因而請假避服役上班，今日佢亦都如常上班，不過佢為咗唔想好似噚日收工時被傳媒包圍到險些仆倒，所以今日佢就提早成個半鐘返工，打算避開傳媒追訪，不過現場都有媒體成功拍得佢上班嘅照片，而佢亦都同呢幾日嘅裝扮一樣，都係以黑色衫及黑帽及戴上口罩出現，全程不發一言。

另外，朴有天嘅隊友金俊秀今日就現身仁川機場飛去日本，不過佢就表現心事重重，現身時縐晒眉頭，唔知係唔係為好兄弟事件擔心呢？