香港保齡球運動員胡兆康今日現身灣仔會展，出席「萬希泉x胡兆康20周年陀飛輪腕表發佈會」，吳日言亦有現身支持。胡兆康首次以腕表設計師身份現身，佢話好開心喺入行20周年可以以設計手錶作為見證，加上啱啱喺亞運會奪得男子六人賽嘅亞軍，可謂雙喜臨門，佢話：「我一直好鍾意陀飛輪，對呢方面冇天份，設計時好想一齊研究同不停問，想加入好多元素，但係原來太多嘢會好亂，今次手錶喺3字同8字位鑲咗粒藍寶，寓意保齡球球賽中攞到300分滿分，呢個係我成日追求嘅，透過今次設計希望多啲人接觸保齡球運動。」

而萬希泉創辦人沈慧林（William）同胡兆康相識近5年，佢相當欣賞胡嘅奮鬥故事，William話：「佢係香港之光，喺體育界屢獲殊榮，係香港之寶，佢仲教我打保齡球，我真係完全唔識、啲姿勢又唔啱，佢教完我之後全中幾次，係人生第一次。」

精選娛聞，喺晒《娛果》
http://fb.com/appledailyent