「人民武士」身價不菲,周歲價達100萬澳元(超過600萬港元),來港跑三場贏兩場,證明貴得有道理,夾埋已贏咗近100萬港元獎金。「人民武士」上次喺今個馬季第689場「開齋」後,噚日喺沙田馬場再贏一場,賽後田少仲叫埋黨友、上水鄉事委員會主席侯志強等人齊齊拉頭馬。侯志強早前講過積極考慮參加新界東補選,仲話佢不入地獄,誰入地獄?噚日佢就入地獄前先入沙田馬場玩番日,仲有頭馬拉,不知幾過癮!田少話賽前練馬師大摩同佢講,叫佢記得入場,好大機會再拉頭馬,所以今次唔同上次只係請幾位馬迷一齊拉頭馬,而係一早call齊好友,怪唔得影頭馬相時好墟冚。