麥當娜（Madonna）台北騷吸引咗好多明星去睇，除蕭敬騰外，李蕙敏同公司女同事專程飛到台灣睇show，聽日返香港，問佢難唔難撲飛？佢話都係上網撳。佢本來早到想買紀念品，但落雨又多人，都係放棄，早啲過去排隊等入場。

小S和姊妹Makyo、阿雅特別扮裝去，搶盡風頭。陳曉東也帶咗老婆王妤嫻去睇，他表示自己好喜歡娜姐，之前去過溫哥華朝聖，今次係首次帶老婆看演唱會，王妤嫻則表示只看過老公和品冠開唱，冇愉機會睇演唱會。

隋棠拖埋老公Tony及鄭元暢一起去，隋棠以紅唇黑衣亮相，佢話兩人都很喜歡看現場表演，今晚肯定要來捧場，鄭元暢則說：「今天是來朝聖，麥當娜是劃時代的代表人物，一定要來。」Tony用英文表示：「She’sawesome（佢好正）。」

溫嵐就由幼稚園就愛麥當娜，今晚特地做了紅唇、馬甲造型打扮，還有一頭復古髮型，向偶像致敬，她說：「最想聽（LikeaVirgin）和（Vogue）！」