【串星一大班】林敏驄自導自演賀歲片 莊端兒賣大包力撐
如珠如寶賀歲片莊端兒林敏驄
今年賀歲片非常熱鬧,單係華語片就有成5部,周星馳、彭浩翔等導演都係賀歲片常客。至於林敏驄搞鬼就見得多,今次佢初次自導自演新片《如珠如寶》,一嚟就排賀歲檔,仲打正旗號係「港產笑片」,至於可唔可以殺出血路,要到農曆年揭曉。而《如珠如寶》嘅片段今日已經公佈,入面有唔少NG片段。宣傳片一開始阿驄就扮《阿飛正傳》,梁朝偉係閣樓仔扮靚個場戲。
不過講到最好笑,就係阿Bob林盛斌一場NG片,當時佢正以高速掟入一排海面浮排,一時收掣不及成個人跣咗落水,阿Bob邊落水邊講粗口,聽聞呢場戲,最終要跳足十幾次。賀歲片一貫最好睇就係串星,阿驄秉承傳統戲中有大量串星,包括:吳耀漢、梁小龍、泰廸羅賓同恬妞,講到最養眼就要數莊端兒,喺戲入面賣大包。
故事講述張繼聰同阿Bob混入安老院搞亂檔,迫老人院院長林敏驄賣地,得到一班老人吳耀漢、梁小龍幫助,加上看護王菀之,令收購行動失敗,故事笑中有淚。
精選娛聞,喺晒《娛果》 http://fb.com/appledailyent
林敏驄自導自演,呢一幕向《阿飛正傳》致敬。(影片截圖)