韓劇《來自星星的你》令到「都敏俊」金秀賢人氣急升，不過《星星》都播完就嚟成年，講真金秀賢嘅人氣都跌咗少少，雖然佢係內地仍然代言好多廣告，但係唔少內地網友都話頂唔順，去到邊都見到金秀賢，早前仲有傳因為金秀賢發福唔少，搞到被廣告商嫌棄，原本代言嘅廣告都被另一韓流小天王金宇彬搶走。

仲記唔記得今年9月金秀賢曾經嚟過香港出席Samsonite嘅代言活動，當時佢仲同女神Angelababy齊齊現身，不過原本身Samsonite副線SamsoniteRed嘅金秀賢，明年將冇得留低做代言人，仲慘被死對頭李敏鎬接捧做2015年嘅代言人，上周五SamsoniteRed已經預告有新代言人，當時個代言人樣就睇唔清，到今日就終於宣佈係由李敏鎬做代言人，李敏鎬之前仲已經拍咗一輯廣告，唔知係唔係因為李敏鎬將會有新片《江南1970》上映，所以係人氣方面就當然勁啲，似乎今次金秀賢對戰李敏鎬，暫時以李敏鎬先勝一仗。