歌手陳潔靈的丈夫張耀榮（Steven），於本周二（9日）因肺癌於養和醫院病逝，終年55歲，雖然二人未有子女，但夫婦恩愛，感情深厚，張耀榮死前劇痛難支，故要打嗎啡針止痛，而陳潔靈一直伴在夫前，陪他走最後一程。

陳潔靈與張耀榮（Steven）於95年結婚，一直幸褔地過着二人世界，由於二人未有子女，樂得做個一對自由人夫妻，其夫Steven是AIA保險公司的要員，據其身邊好友透露，Steven07年加入AIA保險，年薪超過200萬，生活甚優游。
不過Steven在年多前因作身體檢查後發現患上肺癌，於是接受化療，可惜最後敵不過奪命癌魔，在本周二病逝於養和醫院，在留院期間因為痛楚難支，曾需要打嗎啡針止痛。

「心情仍未平復」

記者昨日致電陳潔靈慰問，她在電話中語氣平靜地說：「多謝先，我都唔知講乜嘢好，我哋一向好低調，其實我嘅心情都未平復，暫時都唔想講咁多住，等我諗吓點講先，多謝關心。」
此外，與張耀榮同屬AIA保險公司的同事連炎輝，在電話中說：「我同佢唔同區，我係噚日先知呢個消息，好可惜同好sad囉，Steven個人好叻，佢加入咗公司幾年，佢係資深業務經理，佢好有成績，又有責任感，係好nice嘅好好先生。」連炎輝又表示，其實早已知Steven有病，他說：「啲朋友一路以為佢好番，因為係有過起色，點知最後咁樣，可能呢個病突然起變化。」
陳潔靈的丈夫張耀榮與「演唱會之父」張耀榮同名同姓，連陳潔靈自己也常拿耀榮叔來開玩笑，昨日致電給耀榮叔，身在外地的他說：「我識得佢呀，不過唔知道佢有病，陳潔靈都未通知我喎。」
採訪：丁寧