鄧洢玲(阿旦)同梁雨恩今日喺灣仔會展推廣飛鏢運動，經已係導師級嘅梁雨恩即埸指點初哥阿旦掟鏢，雖然阿旦前日私下苦練四小時惡補，結果仍然係表現麻麻，梁雨恩分析可能阿旦手臂慣了打拳用力方式，所以一時未慣。

梁雨恩已經掟鏢四年多，不時參與本地賽事及出外比賽，日前在夏威夷公開賽中挑戰男子組，最後取得亞軍成績，佢表示係超水準表現，在港現時有開班授徒，佢話:「都有幾多女仔學，而我教女仔會明白女仔多點，解釋身體動作時要觸碰都無咁尷尬。」現時近乎全職掟鏢，間中會錄福音歌，但商業歌曲暫時唔會唱。