「究竟咁樣算唔算係高潮呢？」高潮來臨，如幻似真，性治療師指出，不少女性都有高潮的疑惑，「有冇都唔知，好似有又唔知係唔係。」有些女性多年未嘗高潮，不惜假裝來取悅伴侶，一扮20年，「扮到一日覺得好厭惡，覺得自己好似活喺個謊言中，唔想再扮高潮，想要真（高潮），就會嚟求助。」
香港性教育、研究及治療專業協會副會長吳穎英醫生稱，女性因為生理結構不同，即使達不到高潮也會感到性滿足，對雙方關係影響不大，但不少女性為了取悅伴侶，不惜假扮高潮，「有啲人由頭扮到落尾，扮足廿幾年，又唔敢同老公講，驚老公覺得被佢呃咗咁多年，啲男人又會懷疑『係咪我唔得呢』。」

多鍛煉盆腔肌肉

吳穎英指，因沒有高潮而求診的人不多，大部份是30至40歲、較有學識的中產人士。她建議女士嘗試自慰，找出敏感部位；性交時採女上男下的姿勢；男伴應控制射精的時間，陰莖進入陰道後嘗試橫向及「呼拉圈」式移動，令陰莖及恥骨更容易接觸到女方陰核。
性治療師邱貴生博士指，男士射精後繼續刺激女伴，有助對方達到高潮，他建議女士平日多鍛煉盆腔肌肉，提升陰道感受，方法是坐下時幻想自己小解，中途停下來，維持兩至三秒，然後放鬆，重複十多次，每天練習三、四次。
本報記者