韓國天團BIGBANG嘅成員勝利今日27歲生日，佢日前就喺菲律賓開泳池生日派對。

而今日韓國方面就報道勝利趁生日之際，決定出錢又出力助低收入家庭，當中佢早前就向兒童機構捐出1億韓圜(約71萬港元)，而呢筆善款嘅一部全就用來幫助低收入兒童過嚴冬，當中包括購買防寒用品及生活用品。同時一部份善款又用於「首爾蜂窩煤銀行」，為低收入家庭購買煤炭，勝利更出錢又出力，仲同父親及員工一齊做義工，為低收入家庭送上煤炭，等佢哋可以過一個溫暖嘅冬天。

勝利表示佢會將拉麵連鎖店嘅收入，幫助有需要嘅兒童，為佢哋出一份心意，認真過了一個特別有意義嘅生日。

另外，勝利周五將會喺五現身喺澳門新濠影匯，舉行由上海凡頓文化傳媒有限公司主辦嘅「2017 SEUNGRI Birthday Party in Macau」見面會。

更多韓流，喺晒《娛果》
http://fb.com/appledailyent