利物浦門將米洛列特一向畀球迷話唔夠穩定，但佢竟然係今年英超最佳門將？你冇睇錯，英國《鏡報》喺除夕做咗個統計，米洛列特今年英超總共有16場冇失波，仲多過赫特（15球）、迪基亞（12球）同施治（11球）！雖然有數據支持，但有接近四成球迷都希望紅軍領隊高路普喺一月買新門將，睇嚟呢位比利時國腳都唔係咁得球迷歡心。