而身為全國政協委員嘅劉翔周二着牛仔褲、頭戴黑色帽上咗北京準備下周開會,教練孫海平當然亦都跟隨左右,安排劉欄王繼續訓練加強狀態,備戰本月日本嘅室外賽。之不過外界最關注嘅係佢會有咩提案,較令粉絲失望嘅係,佢本人話因為太忙,所以呢次會議唔會有咩提案,只係以新人嘅心態「齋坐」做聽眾,但佢自09年起已第3次參加全國政協會議,咁都仲算係「新人」?
劉翔身負再次出戰倫敦奧運、打破男子110米欄世界紀錄嘅重任,咁忙都肯只去做「聽眾」咁乖,睇嚟欄王真係對政治越嚟越大興趣喎!唔通真係同欄王嘅「虛榮心」有關?因為佢回想最難忘嘅一次出席全國政協會議經歷時,就係佢將自己嘅MSN簽名改咗做「劉委員進京了!」,仲話最鍾意聽到俾人叫做「劉委員」,真係誇張!之但係我求大俠最想知道嘅係,咁佢究竟鍾意俾人稱呼做「劉欄王」定係「劉委員」呢?