翠華豬扒包4月底從$35加至$40，加價後，豬扒尺寸不變，但伴碟的薯條竟然失蹤。可幸的是碟頭飯世界仍大有所為，碟頭飯是一個人也嚐到的住家飯溫暖，是孤獨男人的浪漫。

「我是甚麼食物都會吃的。貴價的，如果袋裏有錢就當然敢吃，賤價的，也絲毫不敢怠慢恭恭敬敬地吃……」這是于逸堯在其著作中《文以載食》寫的引言。近來讓他吃得恭恭敬敬的，是開業九個月的小店長龍食府。「門面好摩登，但估唔到係賣啲咁傳統嘅家常菜。我唔可以話佢啲嘢食好好味，但無味精、清清淡淡嘅家常口味，食得好舒服。」

小店位於上環畢街，採訪當天來來回回沿着小巷走在孖沙街和禧利街間，但就是找不到餐廳，原來落在從前只是煙民「打邊爐」勝地，僻靜的一側。不過若在午市時段來就相當易找，因為店前總有長長的人龍。餐廳清一色賣蒸飯，每天9款，腩排、肉餅、蒸魚，最平$32，最貴$48，奉送白飯例湯，例湯還要是天天不同款，熬足十多小時的老火靚湯。實在太便宜。

「你覺得好平呀？我覺得貴囉！不過再平真係做唔住。」老闆黃達輝說。點解咁平？「其實好簡單，就是賺少一點。」然而賣得再平，對食材還是有要求，因為老闆當初就是持着「自己想食嘅嘢」作原則，是故米是用貴價的金鳳米，鹹魚、臘肉來自附近的老字號「安記」，每天開店前他會親身駕電單車到深水埗北河街街市買料，一來夠平，二來夠大選擇多，三來人流多，貨散得快，食材自然新鮮。

如是者每天從街市新鮮運到的揀手海鮮，如當天會湧出黃油的肥美䱽魚，有時候甚至有石斑，就會放在中式缽原缽蒸煮，貪它傳熱效果好，又可以保住原汁原味。還有一個最重要的原則，就是一丁點味精也不會下。最後廚師給了我一句擲地有聲的總結：「咪好似平時屋企煮飯咁囉！」就是這簡單的家常味把于逸堯這男人收得貼貼服服。讓他埋首在歌曲、樂譜中忙到一頭煙之際，一口「家」的味道，是最佳的慰藉。




【壹錘定音.李慧玲】6月4日正式開咪!

收聽方法:請留意【壹錘定音】facebook專頁
https://www.facebook.com/hammerout.hk