大美人林青霞今日於香港大學舉行《雲去雲來》新書發佈講座，佢喺會上講到當年拍《真白蛇傳》，秦祥林追緊佢，不過青霞未有接受，當時青霞要去巴黎做剪綵，秦祥林表示他也要去，兩個人於是相約在巴黎。

之後青霞喺巴黎等了一星期，秦祥林都未見人，電影公司老闆叫佢走，青霞話當時心想:「莫非他跟別人來？然後我回到台灣，報紙說他跟鄧麗君去巴黎。我不介意，一點都不介意，因為那是鄧麗君，而且我沒答應他追求呀。」青霞表示之後見到鄧麗君都避開佢，令佢好難過。

好友楊凡之前出書沒有青霞的照片，楊凡就問青霞，為何她的書亦沒有自己的照片？青霞就笑說：「我記仇！」俞琤在台下發表感受表示：「令我最感動係，青霞喺何佐芝最後一段日子，送畀何生冬天最後步伐都走得輕鬆。呢次喺我鼓勵下，錄咗幾篇有聲書，等我哋唔止欣賞青霞美貌、寫作，佢更加係多麼了不起嘅人。」青霞說:「我也要多謝俞琤花好多天晚上陪我錄音，非常感謝他。」而鄺美雲就表示自己自小看青霞的國語電影學國語。

講座後段一班影迷向青霞送上鮮花又索取簽名，眼見一影迷都頗年青，証明青霞魅力長青，而今日發佈會人數本來限300人，不過之後有影迷坐埋地下，而講座的檯櫈都是由青霞家中廁所拿來香港的。