李天翔成名於兒童節目，更因《認字特警》中扮演「認字唔認人」嘅「認字特警編號999」變成小朋友嘅偶像，點知令佢俾更多觀眾記得嘅，竟然係因為佢多次被安排演強姦犯，甚至有網民幫佢起咗個「御用強姦犯」嘅朵，相對佢喺小朋友偶像嘅形象……認真諷刺。

好似佢喺《金石良緣》中，飾演性罪犯嘅李天翔原本係對鍾嘉欣不懷好意，點知強姦不成，更將目標人物轉成醉酒嘅朱慧敏，更拉女方入公園施暴。到《鳳凰四重奏》中，李天翔扮西醫玩弄對愛情有憧憬嘅姚子羚，女方更被逼墮胎；仲有「絕世好女友」唐詩詠都曾經被李天翔「強姦」過，詩詠個樣勁可憐，令到嗰場劇成為觀眾一時佳話。

其實其他被李天翔「性侵」或「企圖性侵」過嘅，仲有陳凱琳、李思欣、李彩寧等，而兩屆視后胡定欣同李天翔喺《銀樓金粉》通姦。由於李天翔係大台唔少花旦嘅「經手人」，所以令佢背負咗「強姦了全電視台女演員」嘅「罪名」，都唔知係好事定壞事……