人氣韓劇《今生是第一次》早前已播畢，當中男女主角李民基及庭沼珉因而人氣急升，而劇中飾演李民基前度嘅李清娥近日接受訪問。

33歲嘅李清娥於2004年演出韓片《愛上蛋白質女孩》而為人認識，不過佢之後Keep唔到個勢，之後嘅劇集都唔係擔正做女主角，雖然事業有少少唔順意，但係佢嘅愛情運就認真唔錯，於2011年與《花美男拉麵店》嘅拍檔李基宇撻着，拍拖多年感情都好穩定，但就未有結婚計劃。

近日李清娥近日就提及佢為咗拍攝《今生是第一次》時同李民基睇起嚟比較相襯，佢就刻意減肥。李清娥話因為睇起上嚟李民基瘦咗好多，佢為咗令觀眾睇起嚟覺得佢同李民基有好相似嘅感覺，所以喺開拍前就瘋狂減肥，用咗三星期嘅時間，成功減咗近7磅。

李清娥透露佢減肥餐單唔算太辛苦，只係夜晚一餐改食椰菜，並以辣椒醬代成沙律汁咁一齊進食，因而成功減磅，令佢睇起嚟更加苗條。

更多韓流，喺晒《娛果》
http://fb.com/appledailyent