秋高氣爽，最啱去郊外旅行，如果唔想山長水遠去郊區而又想喺草地紥營野餐玩成日，有乜計呢？大家可以考慮去近年人氣高企嘅佐敦谷公園。呢個康文署轄下公園開幕三年，因有兩大幅合共近1萬平方米的大草坪而聞名，每逢周末均有大批市民前往，草地上輕便帳幕、地蓆處處，情侶在彈結他、小孩在踢波、一家大細玩飛碟、吹肥皂泡、年輕人影畢業相，完全無任何康文署人員阻止，秩序井然，大家又玩得開心。

該公園位於觀塘新清水灣道71號，原址為佐敦谷堆填區，佔地約6.3公頃，係觀塘區最大嘅公園，每日上午5時至晚上11時開放。園內除咗大草地外，仲有具國際水平的遙控模型賽車場、4條全長1,115米設兼有健身站嘅緩跑徑、長者健體園地、兒童遊樂場及園藝教育中心等。

提提大家，公園只設42個收費泊車位，故很快已爆滿，警員又經常在公園外「抄牌」，有興趣去玩嘅市民最好搭公共交通工具啦﹗

康文署佐敦谷公園資料：
http://bit.ly/WOnMLX