郭晶晶同霍啟剛最近接拍大陸真人騷節目，點知今日有周刊就爆因為晶晶嫁咗入霍家，專心相夫教子，晶晶收入大不如前，更有指晶晶娘家出現經濟問題，搞到郭媽唔開心!

據知霍家資產一向「共產制」，成員按月分配零用，家族物業當中包括沙宣道大宅、名車都係家族持有，以防後人敗走身家。

之前有傳霍英東300億資產，自早年長房三子霍震宇入稟分產及達成和解後，資產再作分配，其中100億分給二房及三房，200億則分予長房，若震霆、震寰及震宇均分，每人可得65億，當中尚未包括今年再起爭議嘅南沙發展項目權益。隨着資產增值，相信霍震霆嘅身家至少過百億，而佢喺父親霍英東於1978年嘅遺囑中列明，每月可獲分配5萬至6萬元零用錢，雖然遺囑中並無明列啟剛、啟山、啟人等權益，但作為霍家第三代，相信佢哋每月可領取不下10萬元零用錢。

按照霍家基金去計，即係齋係啟剛同囝囝每月拎到約12萬元生活費。

又曾傳郭晶晶有咗7個月嗰陣，獲贈1億元嘅教育基金及2億元嘅獨棟房產。睇嚟冇理由唔夠使噃!