曾經響應8月5日三罷行動，及6.12罷市的良心食肆，陸陸雞煲火鍋負責人黃先生表示，本年經濟轉差，市況已經轉冷，街道的人流與高峰期截然不同。他說，「市況好嗰陣，條街企滿晒人，講緊訂位要預早一星期訂先有得食，仲要限時，趕客走做多輪，高峰期就係咁！咁依家？任你坐，訂座率唔高，每晚未必坐爆。」

經濟不景，再撞上逆權運動的示威抗爭，黃說，「生意一定有影響，始終條街靜咗，少咗人消費，生意已經比過往少四成！」至於會不會介意餐廳的收入下跌，他直言，自己打開門口做生意，不可能日日賺錢，以往雨傘運動都是這樣捱過，現時惟有靠自己，想方法再吸引人潮，例如推廣免費優惠，向不同媒體下廣告，拉攏更多食客。

經歷罷市，黃先生又聘用約十多名員工，他說早前罷市一天，連租金等估計一天約損失五、六萬元，但黃反指，「絕對唔會輸打贏要，鬧班示威者。現時這班年輕人，爭取梗自己的未來，價值更高的事物，我冇可能責怪佢地，畀著我後生嗰陣，我都冇勇氣衝咁前，所以咁如果因為生意唔好，而責怪班年輕人，就係冇良知。」

飲食風潮浪接浪，雞煲熱潮接近尾水，為減輕經營負擔，本年初黃先生已將兩間分店結業，最近三個月又出現示威抗爭，再令生意雪上加霜。黃說，當然有主動向業主提出過減租，但仍然等待回覆，被冷處理。至於會不會趁淡市，回燃擴充野心，黃直言，「現時租金唔係跌好多，未見到代理打嚟話，依度好平，好抵租。而且過往有分店嗰陣，基本上做咗成個月，好似幫人交租咁，利潤唔大，所以最後都放棄續租。所以依家寧願做一間，提升食品質素，靠口碑賺返客人的心」

受政治立場影響，已有食客揚言不再光顧旗下食店，黃先生坦言，自己以平常心面對，每樣物件都有正反兩面，到最後總會有人來光顧，不做他的生意，自己不太介意，若然有「藍絲」踩場鬧事，只要沉默應對，當他們意興闌珊，自然會離開。

示威發生已過三個月，黃先生說，運動到最後，其實就是良知問題，作最理想的假設，譬如政府回應並承諾處理五大訴求，但現時卻已有太多不公平，不公義的事件發生，政府已經沒有可能單單回應這五項訴求，就了結這件事，必須處理其他衍生的問題。就當警察而言，每當一個警察落場當值，就是代表警隊，市民是從一個整體來看待警隊，若然他們做了一些非常過份的事，市民就會忍耐不住，發聲反抗，甚至遺棄他們，現時情況就是這樣。

記者 黃朗鈞
---------------------
兩次聚會 六大名家
分享長中短投資部署
立即點擊參加
蘋果動新聞 x 瑞萬通博【亂市投資攻略】
活動詳情： https://bit.ly/2lMN6tE
-----------------------------
基金資料大集合 一書幫你贏盡強積金
點擊即睇《贏盡強積金》電子書