一連四場《蝦仔爹哋慈善音樂舞台劇》前晚在灣仔新伊館舉行尾場，請來米雪、鄭秀文（Sammi）和苗僑偉做嘉賓。Sammi穿上3D卡通衫上台唱《信者得愛》，心情勁靚的她扯着胸前的卡通眼睛笑說：「好立體㗎，睇清楚喇，真人不露相。」Sammi更對林建明（沙姐）笑說：「特登畀你摸㗎，不過小心乳環跌出嚟。」惹來全場大笑。
事後Sammi說：「我配合蝦家嘅需要，今次係集體回憶，又係做善事，一定要支持。」她又說：「我最近睇好多詹sir（詹瑞文）嘅舞台劇，都有興趣試吓，但未諗到係搞笑定嚴肅。」會否與許志安情侶檔合作，她說：「呢一刻情侶檔嘅機會唔大，我希望私事同工作分開。」提到拍拖相片被fans放上微博，Sammi無奈接受。

三哥夫妻耍花槍

苗僑偉（三哥）前晚飾演戚美珍25年前的情人，二人在台上打情罵俏，三哥說：「唔好望住我，我照稿讀咋，25年後珍珍真係唔同晒，頭髮鬆晒、雙目無神，暗淡無光，睇埋身材，成pat嘢咁。」
戚美珍聞言說：「你忍咗幾廿年等今晚，我畀你講，睇講得幾耐。」完騷後眾人在台上為賈思樂和沙姐慶祝生日，眾人更感動得落淚。