辛苦咗一星期，終於嚟到星期六喇！不過呢個週末應該冇得同陽光玩遊戲喇，事關「尤特」的殘餘雨帶繼續影響本港，呢幾日都係多雲有驟雨，但係帶埋把遮出去玩就無有怕啦！

凌晨零時氣溫28°C，相對濕度84%。昨日多處地區錄得約10毫米雨量，新界北更錄得超過30毫米。

提提你天文台預測今日多雲，間中有雨及幾陣狂風雷暴，雨勢有時頗大，氣溫介乎26至29度；吹和緩至清勁偏南風，風勢有時疾勁，初時海面有湧浪。展望星期日初時仍有大驟雨，隨後一兩日驟雨減少。