薛凱琪（Fiona）繼七夕推出甜到漏嘅初戀情歌《520》，啱啱又有第2首國語新歌《遠遠關心》派台喇！

講到新歌有啲哀愁，Fiona就話覺得愛一個人，唔代表要得到佢，當然可以相愛好開心，但緣份未到就惟有遠遠望住佢，祝福佢。為配合新歌意境，Fiona早排特意飛台灣拍MV，Fiona話：「我面對心上人嘅心態好開放，我自己愛佢就得喇，就算佢鍾意其他女仔，或者有女友都唔會呷醋。」新歌由好友方大同負責作曲、姚若龍填詞，Fiona話佢抱住自己想法寫信俾填詞人，表達對心上人嘅感覺，希望憑歌寄意。