當年今日
關於我們

【韓流】丁海寅襲台學台語 自爆同孫藝珍私下傳短訊

蘋果日報 2018/03/03 17:00

丁海寅

韓國29歲上位男星丁海寅今日襲台,雖然佢出道比較遲,但因為出演幾齣人氣劇,令佢人氣急升,今日飛抵台灣時仲引來300台迷接機,可見佢人氣有幾勁。
而抵台灣後丁海寅即換衫接受傳媒訪問,仲即場學台語,令傳媒大感驚喜,又話對於有咁多粉絲接機,令佢好驚慌。喺《機智牢房生活》中丁海寅飾演遭陷害入獄嘅「劉大尉」,佢話:「對我來講係非常感謝嘅機會,這次劇情設定上係男子監獄,同劇有許多舞台劇演員,從佢哋身上學到好多,亦都透過呢齣戲反省咗自己嘅過去。」

喺本月30號首播嘅新劇《經常請吃飯的漂亮姐姐》中,丁海寅同孫藝珍上演姊弟戀,問到佢有冇壓力時,佢就話:「完全冇,託導演同孫藝珍前輩嘅福,拍攝現場真係好開心。」佢仲大爆平日開完工都會有同孫藝珍私下傳短訊討論劇情,所以佢都好期待劇集快啲有得睇。
首次訪台,丁海寅就最想去台北101嘅展望台遊覽,亦都好想坐摩天輪!當佢得知下榻嘅美福大飯店旁邊就有摩天輪時,即時興奮不已:「今天行程結束後想要過去睇一下!」同時佢又好想品嘗台灣嘅牛肉麵同埋小籠包。不過睇到聽日嘅見面會,丁海寅就話自己有舞台恐懼症,但為咗粉絲就會拎出勇氣來,等自己和粉絲可以有美好回憶。
更多韓流,喺晒《娛果》
http://fb.com/appledailyent
empty
丁海寅抵台後即接受傳媒訪問
empty